Previa: CARBALLO BASKET XIRIA Vs. ADFRO

Publicado por admin. Categorías: 2ª Autonómica, Noticias, Senior

CARBALLO BÁSKET XIRIA - PRECIOSPORT.COM ADFRO

Domingo, 12.00 horas, Pavillón da Zona Escolar

O regreso de Rubén Cristóbal “Karnisovas” constitúe o gran atractivo do enfrontamento entre o Carballo Básket Xiria e o Adfro, correspondente á segunda xornada da segunda volta na Segunda Nacional. O aleiro, da gran xeración do 1979 (Roi, Molk, Taibo, Rubén), volta ao club no que se formou e no que xogou en varias etapas. A última, a campaña pasada como membro do equipo sénior zonal, co que logrou o ascenso de categoría. Rubén, ausente do equipo por motivos laborais ata esta xornada, potenciará a rotación exterior do equipo de Basilio Pampín e cumplirá un dos seus soños, poder compartir cancha co seu irmán, Fran Cristóbal.

Polo demais o Carballo Básket precisa facer unha segunda volta impecable como local se quere ter algunha opción de pelexar polo ascenso. Agora mesmo o equipo de Xiria está relativamente afastado das dúas primeiras posicións que ocupan Atocha e Cambre e deberá pelexar moi duro por esa terceira posición con Culleredo, Arteixo ou Cluny (os catro equipos están nunha marxe dun partido).

O Preciosport.com Adfro atópase na zona baixa da clasificación, con só 2 triunfos en 12 xornadas. A baixa por lesión do seu pívot referente Juan Pico impediu que os coruñeses colleitasen algunha vitoria máis. Frear ao anotador Kike Cerredelo, ausente no partido de ida, será unha das chaves para o CBX.

Basilio Pampín, que ten a baixa segura do base Roi Vega agarda contar co resto do plantel, aínda que Héctor e Fabián chegan entre algodóns. Fran Cristóbal (base), Héctor, Taibo, Abraham, Juan Fernández, Abraham, Adrián Pérez, Rubén Cristóbal (aleiros), Marcos Molk, Luis Gómez, Tato e Fabián (pívots